هاد المقال من جهد طاقم عمل syrian gamer و منتمنى تتفاعلوا و طاقم العمل للعبة و المعلومات التقنية حتكون موجودة بآخر المقال

انتشارتد 4 نهاية لص
Uncharted 4:a thief's end

طور القصة:
اللعبة بتبلش لما يكون نايثان دريك (الشخصية الرئيسية بكل الاجزاء) مع اخوه سام بقارب بنص البحر بيوم ممطر و الموج هايج و هنن عميتجهوا لجزيرة و قوارب و سفن للأعداء لاحقينهم بس قدروا يقتلو عدد منيح من الأعداء بس بلأخير بيخبطهم قارب كبير و هون بتنتهي اول مرحلة...
من بعدها نايثان درايك بينقتل اخوه و القصة كلها بتتغير و بيترك شغل المغامرات و الكنوز و بيستقر بس العقدة ما بتوقف هون و كلشي بيتغير 360° و هل 360° بتتغير كلها بعد جملة وحدة و حركة غلط....

نظرة عامة عل gameplay:
الحركة:التسلق ممتاز و متنوع عحسب البيئة فممكن تحتاج تستخدم ديناميت لتجتاز عوائق او حبال لتتمسك بالحواف
السباحة ممتازة و واقعية و حتى الأعداء ما بيقدرو يشوفوك ازا نزلت تحت المي و طبعا في فترات محددة حسب الصعوبات يلي حنشرحها تحت....
تقييم عام للحركة:9/10

الأسلحة و التصويب:انا بعتبرها اكتر شي متطور بعد الجرافيكس، طبعا انواع الاسلحة متنوعة و كتيرة و موزعة بشكل رائع بمواقع الاحتكاك مع العدو منها الخفيفة القاتلة برصاصة واحدة او خفيفة رشاشة او خفيفة عادية و في متوسط shotgun و ال rifles بكل الانواع و snipers و الاسلحة الثقيلة مثل قاذف القنابل و ال RPG و القنابل و الديناميت و الجرات المتفجرة....
الحلو بالتصويب إعدادات ال auto aim و تعديلاتها عن طريق المودات يلي حنشرحها تحت
تقييم للأسلحة و لآلية التصويب 9/10

الأعداء و الذكاء الاصطناعي:الأعداء بيتنوعو من ال noobs او الضعاف للمتوسطي القوة يلي بيعرفو يقوصو منيح و يقاتلو يدويا بقوة و أخيرا المدرعين يلي بيحملو اسلحة ثقيلة و قاذفات قنابل و حتى اذا قاتلتهم يدويا احتمال كبير تموت و يلي بتحتاجه هو اسلحة ثقيلة و headshots او تفجر فيهم برميل متفجرات او جرات غاز او قنابل او ديناميت و الذكاء خارق و بيتغير مع كل صعوبة

عقدة القصة:ترتيب المراحل رائع ممكن تفكر لقيت حل لعقدة القصة و منها بتكتشف عقد اكتر و بس تكشفهم كلهم بيجيك شي حيذهلك 😍

ال easter eggs رائعين لأن بيستعرضو العاب قديمة و بيخلوك تلعب فيها و مشاكل تقنية صارت باللعبة بالعروض تبعها و كل شي ممكن يخطر عبالكن و ال collectibls في 109 كنوز و journal entries في 25 يلي بينكتبو بدفتر نايثان و حنكي عنهم تحت و journal notes في 23 هدول بيتلاقو بأماكن صعبة او عند الهياكل العظمية او بالبيوت الأثرية طبعا في نوع أخير هو الحوارات في منهم 36 هي بتشغلها على حسب اللاعب يعني ازا كان مهتم و مشي حسب طريقة محددة بيشغلهم كلهم و حتى الهم اماكن خاصة
طبعا كل يلي حكيناه بهالفقرة اله تروفي خاص فيه و لتجميعهم كلهم في تروفي
انا بعطي لهل شغلتين 10/10
ملاحظة:بعد ما تختم اللعبة هدول الشغلات يلي بتجمعها ما بيروحو علفاضي فيك تضيف مودات من نقاط بيطلعولك بعد ما تجمعهم مثل مود عدم وجود للجاذبية و مخازن لا تنتهي و الخ....

شغلات مهمة بمحيط اللعبة:دفتر نايثان يلي فيه دلائل لحل الالغاز و العربات للتسلق و الحبال و ديناميت لتفجير العوائق

المركبات:بكل اللعبة يلي بيقدر اللاعب يتحكم فيه هو jeep فيها مثل حبل بيفيد كتير بالأماكن العالية و الوحل و قارب و الميتورات بس في انواع غير بس ما بيقدر يتحكم فيهم مثل المصفحات و الطيارات

اجمل شي باللعبة هو ابداع المصممين بالألغاز و تخباية الشغلات يلي ممكن تجمعها (استعرضناها فوق)

الجرافيكس:افضل لعبة هالسنة من ناحية الجرافيكس و اكبر دليل الصور يلي تحت و يلي لعب ابرز العاب السنة حيأكد كلامي؛تقييم للجرافيكس:10/10

الصعوبات: الها 4 صعوبات
Explorer:
ترجمتها مكتشف و هي اسهل شي لأن كل ما قربت من شغلات ممكن تجمعها بيطلعلك سهم يدلك عليها و المساعدات كتيرة و الأعداء شبه اصنام

Light:تاني اسهل شي و مواصفاتها مثل فوق بس اصعب شوي

Moderate:
هي لا سهلة و لا صعبة هي وسط و بتقدم اجمل تجربة ازا مو حابب تتعب حالك كتير

يا محلاها قدام الصعوبة يلي بعدها :hard

Crushing:
مافي اي دلائل او اي شي يساعدك باللعب واي حركة بيكشفوك الاعداء و بيكونو بأقصى طاقاتهم و ذكائهم و الكنوز اماكنها اصعب و مافي شي تستدل فيه
المودات و الصعوبات بعطيها 10/10

نهاية القصة:بعد دوامة طويلة حوالي محور غير حقيقي نايثان بيلاقي الاستقرار بحياته و بيستعاد اغلى شي فقده 😍😏
الاونلاين فيه اطوار متعددة مثل team deathmatch,و اجدد طور حينزل هو survival و في ليفلات و اسلحة كتيرة و البسة بتنفتح
جوا مبارايات الاونلاين في طلب دعم و شراء اسلحة وإلخ و انت عمتلعب بكبسة زر وحدة...
تقييم للاونلاين 8/10
اللعبة افضل حصرية هالسنة بكل المنصات
اللعبة مرشحة لأفضل لعبة بالعام 2016 و من افضل الالعاب بتاريخ الغيمينغ

تفاصيل اللعبة:
المطور:نوتي دوغ
الناشر:سوني إنتراكتيف إينترتيمنت
المصمم:اليكس زمكي
المخرج:نيل دركمان (و هو كاتب ايضا) و بروس سترالي (و هو منتج ايضا)
الفنان:غوستافو سانتوللا
المبرمج:كورين يو
الموسيقا:هنري جاكمان
محرك اللعبة:محرك خاص
المنصات:حصرية للps4 بكل إصداراته
تاريخ الإصدار:10 مايو 2016
نوع اللعبة: منظور شخص ثالث مغامرة و اكشن
عدد اللاعيبين: طور القصة 1 و الاونلاين حتى 16 لاعب
رابط لقائمة التروفيز:https://psnprofiles.com/guide/4401-uncharted-4-a-thiefs-end-trophy-guide

رابط للتريلر الخرافي 😍:https://youtu.be/hh5HV4iic1Y

تقييم صفحتنا للعبة 9.5/10

IGN:9/10
Metacritic:93%
تقييمات المستخدمين (معدل):9.5/10
ملاحظة:بهالجزء العظيم انختمت سلسلة خرافية و انتهت بهالجزء
#شكرا_نوتي_دوغ
#شكرا_انتشارتد
#مقالات_سيريان_غيمر
شاركه على جوجل بلس

عن الكاتب : Syrian Gamer

    تعليقات بلوجر
    تعليقات فيسبوك

0 التعليقات:

إرسال تعليق